2021 წლის ივლისში 2020 წლის ივლისთან შედარებით საქართველოში საჰაერო სატვირთო გადაზიდვების ბაზარი 22%-ით შემცირდა.
AviaNews-ის მიერ ეკონომიკისა და მდგრადი განვითარების სამინისტროს სსიპ სამოქალაქო ავიაციის სააგენტოდან გამოთხოვილი ინფორმაციის მიხედვით ირკვევა, რომ მიმდინარე წლის ივლისში საჰაერო გზით გადაზიდული ტვირთების მოცულობამ 1 401,825 ტონა შეადგინა, 2020 წლის ივლისში კი 1 805,747 ტონა.
შესაბამისად ტვირთბრუნვა 22,37%-ითაა შემცირებული.
2021 წლის ივლისში თბილისის საერთაშორისო აეროპორტის მიერ 2019 წლის ივლისში გატარებულ ტვირთნაკადთან შედარებით კლება 38,09%-ა. 2019 წლის ივლისში აეროპორტმა 2 264,357 ტონა ტვირთი გაატარა.
შეგახსენებთ, რომ დღეისათვის საქართველოს აეროპორტებიდან ტვირთებს მხოლოდ თბილისის საერთაშორისო აეროპორტი ემსახურება.
წყარო: https://avianews.ge/ivnisshi-2019-tslis-ivlisthan-shedarebith-saqarthveloshi-sahaero-satvirtho-gadazidvebis-motsuloba-38-ithaa-shemtsirebuli/
