ნიცა – უძველესი, ფრანგულად ელეგანტური და იტალიურად თავნება ქალაქია. იგი ბერძნებმა ჯერ კიდევ ჩვ.წ.აღ.-მდე 350 წელს დააარსეს და გამარჯვების ქალღმერთი ნიკეს საპატივცემულოდ უწოდეს. თავისი არსებობის მრავალი საუკუნის მანძილზე ქალაქმა სარკინოზების თავდასხმა და მეკობრეების ძარცვა გადაიტანა, იბრძოლა იტალიასთან და სავოის საგრაფოს შეუერთდა და მხოლოდ მე-19 საუკუნის ბოლოს გახდა საფრანგეთის ნაწილი. დღეს ნიცა ლაჟვარდოვანი ნაპირის ერთ-ერთი ყველაზე პოპულარული კურორტია განვითარებული ინფრასტრუქტურითა და საინტერესო ღირსშესანიშნაობების მთელი კოლექციით.
The Cheapest Flights for this Month from თბილისი to ნიცა
ძველი ცენტრი დღემდე ინარჩუნებს შუასაუკუნეების სულისკვეთებას: ვიწრო ქუჩების ლაბირინთები წითელი კრამიტით გადახურული ერთმანეთთან მჭიდროდ განლაგებული სახლებით, ეკლესიებით, მყუდრო კაფეებით და მოვაჭრეთა მაღაზიებით იმ ტურისტებს იზიდავს, რომლებიც წარსულში თუნდაც სულ მცირე ხნით დაბრუნებას ოცნებობენ. ნიცის სანაპირო ნაწილში სრულიად განსხვავებული განწყობა სუფევს: აქ ყველგან მე-19-20 საუკუნეების დიდებული ეკლექტიკური შენობებია მორთული ფასადებითა და ხმამაღალი წარმოშობით. ნიცა რომანტიკული ელფერის მქონე ქალაქი-არისტოკრატია, ამიტომ აქ მოგზაურობა ყოველთვის დაუვიწყარი იქნება.
