მოგზაურობა ყველასათვის სასიამოვნო ემოციებთან და დაუვიწყარ შთაბეჭდილებებთან ასოცირდება. უცხო ქვეყნისა და კულტურის გაცნობა ნამდვილად ყველაზე საინტერესო და სასურველი გამოცდილებაა, თუმცა ავიაბილეთები ფასების გამო ადამიანთა უმეტესობას სამოგზაუროდ წასვლა ძვირ სიამოვნებად ან აუხდენელ ოცნებად მიაჩნია. ალბათ, ამ ადამიანებმა არ იციან, რომ სხვადასხვა ხერხებისა და ხრიკების საშუალებით მოგზაურობა იმაზე მარტივი და ხელმისაწვდომია, ვიდრე მათ წარმოუდგენიათ.

გაეცანით რამდენიმე ხერხს, რომლის გათვალისწინებით შეძლებთ დაჯავშნოთ ავიაბილეთები იაფად და თქვენი ოცნების ქვეყნისკენ გაეშუროთ.

1. შეიძინეთ ავიაბილეთები წინასწარ

თუ მოგზაურობის დაგეგმვას 40-60 დღით ადრე დაიწყებთ, შეძლებთ, ავიაბილეთები იმაზე დაბალ ფასად შეიძინოთ, ვიდრე ამას რამდენიმე დღით ადრე შეძლებდით. სტატისტიკურად, ავიაკომპანიები დაბალ ფასებს სწორედ თვენახევრით ან ორი თვით ადრე გვთავაზობენ, ხოლო როდესაც ფრენამდე არსებული დრო მცირდება და ადგილების რაოდენობაც იზღუდება, ავიაბილეთების ფასები იზრდება.

2. უარი თქვით სეზონურ მოგზაურობაზე

ფოტო: Gytis Jonaitis / Dribbble

მართალია, ზაფხული და საშობაო პერიოდი სამოგზაუროდ ყველაზე მიმზიდველად გამოიყურება და ეს ავიაკომპანიებმაც კარგად იციან. სწორედ ამიტომ, ყველაზე მოთხოვნად სეზონებზე ფასები ავიაბილეთები ფასები ყოველთვის მაღალია. ამიტომ, თუ თქვენთვის პრიორიტეტი დაბალბიუჯეტური მოგზაურობაა, ამისათვის არასეზონური პერიოდი შეარჩიეთ.

3. სწორად შეარჩიეთ კვირის მონაკვეთი

სამოგზაუროდ უმჯობესია თუ აირჩევთ შუა კვირას და უარს იტყვით შაბათ-კვირაზე, რადგან სამუშაო დღეებში მოგზაურთა რაოდენობა შედარებით დაბალია და ავიაბილეთების შეძენაც უფრო ხელსაყრელ ფასად არის შესაძლებელი.

4. შეარჩიეთ რეისი დღის მონაკვეთის მიხედვით

ფოტო: Anton Fritsler (kit8) / Dribbble

თუ თქვენ გადაწყვეტთ რომ შეიძინოთ დილის ან ღამის რეისი, ეს თქვენს მოგზაურობას კიდევ უფრო ხელმისაწვდომს გახდის. დღის ამ მონაკვეთებში ფრენის მსურველთა რიცხვი ნაკლებია დილით ადრე ადგომის ან ღამის გათენებით გამოწვეული დისკომფორტის
გამო.

5. არ იყოთ ორიენტირებული კონკრეტულ თარიღებზე

თუ თქვენ გექნებათ განსაზღვრული რიცხვები სამოგზაუროდ წასასვლელად, ამ შემთხვევაში რთული იქნება კარგი შეთავაზებით ისარგებლოთ. ზოგჯერ ფასები იმდენად განსხვავებულია დღეების მიხედვით, რომ თუ თარიღს შეცვლით, საკმაოდ დიდი თანხას დაზოგავთ. საუკეთესო გზაა, რომ ავიაბილეთების მოძებნისას მოქნილი გრაფიკის ფუნქცია ანუ კალენდარი, სადაც ფასები ყველა თარიღზეა ნაჩვენები და ასე დაგეგმოთ თქვენი მოგზაურობა.

6. შეიძინეთ ორი გზის ავიაბილეთი ერთდროულად

ფოტო: Joana Coelho / Dribbble

თუ ორმხრივი ავიაბილეთის შეძენა გაქვთ დაგეგმილი, უმჯობესია თუ თავიდანვე ერთად შეიძენთ, რადგან ამ შემთხვევაში ავიაკომპანიები თუ სააგენტოები უფრო კარგ ფასებს გვთავაზობენ, ვიდრე მათი ცალ-ცალკე შეძენის დროს.

7. ისარგებლეთ რამდენიმე ტრანსპორტით

შეიძლება დამღლელად მოგეჩვენოთ, მაგრამ თქვენთვის სასურველ ქვეყანაში ან ქალაქში მოსახვედრად თვითმფრინავთან ერთად შეგიძლიათ სხვა ტრანსპორტიც გამოიყენოთ. მაგალითად, აირჩიეთ ახლომდებარე ქვეყანა, სადაც ავიაბილეთების ფასი შედარებით დაბალია და შემდეგ ავტობუსით ან მატარებლით გაემგზავრეთ თქვენს საოცნებო ადგილას. ასე შეძლებთ თანხის დაზოგვასთან ერთად სხვა ქვეყანაც მოინახულოთ.

8. ავიაბილეთების მოსაძებნად გამოიყენეთ საძიებო სისტემა

ფოტო: Uran / Dribbble

საკმაოდ მნიშვნელოვანია ავიაბილეთების მოსაძებნად გამოიყენოთ ისეთი სისტემა, რომელიც ამ პროცესს თქვენთვის კომფორტულს გახდის და იაფი ავიაბილეთების აღმოჩენაში დაგეხმარებათ. სწორედ ამ მოთხოვნების შესაბამისია Avia.ge, რომელიც საკმაოდ მარტივ და მომხმარებელზე ორიენტირებულ საძიებო სისტემას წარმოადგენს. ამასთანავე, Avia.ge გთავაზობთ თითქმის ყველა არსებული ავიაკომპანიის რეისებს და მათ ფასებს, რაც ნამდვილად დაგეხმარებათ იაფი ავიაბილეთების შეძენაში.

სტატია განთავსებულია მცირე ბიზნესების ხელშეწყობის ინიციატივის ფარგლებში, რომელიც On.ge-მ კორონავირუსის შედეგად დაზარალებული მცირე და საშუალო კომპანიების, გართობის ინდუსტრიის წარმომადგენლების, ქართული სტარტაპების ბაზარზე ღირსეულად დაბრუნების მიზნით წამოიწყო. ინიციატივის შესახებ გაიგეთ მეტი ამ სტატიიდან.

Facebook კომენტარები
kompensacia frenebze
kompensacia frenebze