12 აგვისტოდან Lufthansa ფრანკფურტიდან თბილისის მიმართულებით რეგულარულ რეისებს იწყებს. როგორც AviaNews-ს Lufthansa-ს საქართველოს წარმომადგენლობიდან აცნობეს, ავიაკომპანია აღნიშნულ მიმართულებაზე კვირაში 2 რეისს შეასრულებს.
ავიაკომპანიაში აცხადებენ, რომ Lufthansa 15 წელზე მეტია ასრულებს რეგულარულ ფრენებს მისი ბავარიული ჰაბიდან – მიუნჰენიდან თბილისის მიმართულებით. ამ ეტაპზე სრულდება კვირაში 6 ფრენა მიუნჰენიდან საქართველოს დედაქალაქის მიმართულებით და 2021 წლის 12 აგვისტოდან დაემატება პირდაპირი ფრენები Lufthansa-ს ყველაზე დიდი ჰაბიდან, ფრანკფურტიდან თბილისის მიმართულებით.
აღნიშნულ მიმართულებაზე Lufthansa საწყის ეტაპზე კვირაში 2 პირდაპირ ფრენას განახორციელებს. თბილისიდან უკან გასაფრენად მგზავრებს შეეძლებათ ეს ფრენა დააკომბინირონ Lufthansa-ს მიერ შესრულებულ ფრენასთან მიუნჰენის მიმართულებით/გავლით ან Eurowings-ის მიერ შესრულებულ ფრენასთან დიუსელდორფის მიმართულებით/გავლით.
„მოხარული ვარ, რომ ჩვენ როგორც Lufthansa Group ვზრდით ჩვენს წამომადგენლობას ბაზარზე კვირაში 2 ფრენით ფრანკფურტიდან თბილისის მიმართულებით. 15 წელზე მეტია წარმატებულად ვასრულებთ მიუნჰენი თბილისის ფრენას. 12 აგვისტოდან უკვე შევძლებთ შევთავაზოთ ქართველ მომხმარებელს კიდევ უფრო მეტი მიმართულება. Eurowings-თან ერთად რომელმაც ახლახანს დაიწყო პირდაპირი ფრენები დიუსელდორფიდან თბილისის მიმართულებით, აგვისტოში ჩვენ შევთავაზებთ ქართველ მომხმარებელს კვირაში 10 ფრენას მიუნჰენიდან, დიუსელდორფიდან და ახლა უკვე ფრანკფურტიდან“, აცხადებს Lufthansa-ს გენერალური მენეჯერი საქართველოში, უკრაინაში, სომხეთში, ბელარუსში, თურქმენეთში და აზერბაიჯანში რენე კოინცაკი.
Lufthansa-ს ფრენების განრიგი 12 აგვისტოდან ფრანქფურტიდან თბილისის მიმართულებით
Frankfurt – Tbilisi
LH612 FRA TBS 13:45 20:00 – ყოველ ორშაბათს და ხუთშაბათს,
თვითმფრინავის ტიპი – Airbus A320 ორი სერვის კლასით ბორტზე: ბიზნეს კლასი და ეკონომ კლასი.
Lufthansa-ს ფრენების განრიგი მიუნჰენი თბილისი მიუნჰენის მიმართულებით:
LH2558 MUC TBS 16:40 22:30 – ყოველდღე ოთხშაბათის გარდა,
LH2559 TBS MUC 06:35 08:45 – ყოველდღე ხუთშაბათის გარდა.
Eurowings–ს ფრენების განრიგი დიუსელდორფი თბილისი დიუსელდორფის მიმართულებით:
EW9150 DUS TBS 07:15 13:30 – ყოველ კვირას,
EW9150 DUS TBS 11:45 18:00 – ყოველ ოთხშაბათს,
EW9151 TBS DUS 14:20 17:00 – ყოველ კვირას,
EW9151 TBS DUS 18:50 21:30 – ყოველ ოთხშაბათს.
წყარო: https://avianews.ge/lufthansa-12-agvistodan-phrankphurtidan-thbilisis-mimarthulebith-regularul-reisebs-itsqhebs/
