ჩინეთმა პეკინსა და შანხაიში ჩასული საერთაშორისო რეისების მგზავრებისგან COVID-19-ზე ანალური ტესტების გამოყენება დაიწყო, წერს The Daily Mail.
ჯერჯერობით, აღნიშნული ტიპის ტესტირებას შერჩევით იყენებენ. მაგალითად, მას გადიან მგზავრები, რომლებიც ჩინეთში მაღალი რისკის ქვეყნებიდან ჩადიან, ან თუკი თვითმფრინავში 5-ზე მეტი COVID-19-ით ინფიცირებული მგზავრი აღმოჩნდება.
ტესტირებისთვის მგზავრებს სტერილური ბამბის ტამპონი ურიგდებათ, რომელიც რამდენიმე სანტიმეტრით სწორ ნაწლავში უნდა მოათავსონ.
ჩინეთის ხელისუფლების ტესტირების ახალმა პრაქტიკამ უკვე გამოიწვია პროტესტი აშშ-ს, იაპონიის, სამხრეთ კორეის და გერმანიის მხრიდან, რადგანაც ამ ტიპის ტესტირება ადამიანებს ფსიქოლოგიურ ტრავმას აყენებს.
რატომ?
ჩინელი ექიმების აზრით, ახალი ტიპის ტესტირება, თავიდან აიცილებს COVID-19-ზე ცრუ უარყოფით შედეგებს.
ეს იმიტომ ხდება, რომ ვირუსის ნაწილაკები ნაწლავში უფრო დიდხანს ძლებენ, ვიდრე ცხვირში ან ყელში, საიდანაც სტანდარტული PCR ტესტისთვის სინჯების აღება ხდება.
![](https://aeronews.ge/wp-content/uploads/2021/05/e183a9e18398e1839ce18394e18397e1839be18390-e183a1e18390e183b0e18390e18394e183a0e1839d-e18392e18396e18398e18397-e18392e18390e18393_60acc80648b5d.jpeg)
Facebook კომენტარები